Элчин сайдын үг

Эрхэм монгол найз нар аа, эрхэм нутаг нэгтэн нар аа, эрхэм найз нар аа,

Элчин сайдын үүрэгт ажлыг онцгой сайн гүйцэтгэсэн өмнөх Элчин сайд хатагтай Элизабэт БАРСАК-н халааг авч миний бие Элчин сайдын үүрэг гүйцэтгэх болсондоо баяртай байна.

Монгол улс бол франц иргэдийн төсөөлж буйгаас эрт онцгой байр эзэлдэг улс болохыг тэртээ 1253 онд Францын эзэн хаан Сан Луйгийн илгээсэн элч Гийом дө Рубрук эртний нийслэл Хархорумд ирж анхны харилцаагаа тогтоосноос харж болно. Би үргэлж энэ улсын талаар мэдэх, хүмүүстэй нь уулзах, өргөн уудам газар нутгаар аялах, энэ орны түүх болон соёл, зан заншилтай нь танилцах төдийгүй бүх салбарт манай хоёр орны харилцааг хөгжүүлэхэд хувь нэмрээ оруулах чин хүсэлтэй байдаг билээ. Энэ хүсэл мөрөөдөлтэй нь зөвхөн би ганцаараа биш ээ. Жил бүр хэдэн мянган францчууд энэ мөрөөдлөө биелүүлэн Монголд ирсээр байна.

Ардчилал, хүний эрхийн замыг сонгон, 1990 оны тайван хувьсгалаас хойш энэхүү замаа гуйвашгүй барин, улам бэхжүүлж буй Монгол улс саяхан цаазаар авах ялыг халан, хүний эрх, хамтын ажиллагааны олон талт ажиллагаанд нэгдэн, мэдээж Франц улсын нэгэн чухал түнш болсон. Ази, Европ тивд алслагдаг орших манай хоёр орны хамтарсан ажиллагааны үнэ цэнэ энэ цаг хугацаанд улам бүр чухал болж байна.

Манай хоёр орны хамтын ажиллагаа хөгжиж байгаа хэдий ч, эдийн засгийн салбар, уур амьсгалын өөрчлөлт, Улаанбаатар хотын тогтвортой хөгжил, оюутнуудыг гадаадад боловсрол эзэмшүүлэх асуудал, соёлын солилцоо зэрэг олон салбарт хамтын ажиллагаагаа улам цэцэглүүлэн хөгжүүлэх бүрэн бололцоо бий. Би бүх франц хэлтнүүд, ялангуяа манай сайхан хэлийг сурж буй монгол найз нараа Монгол дахь францчуудын бүлэглэлд нэгтгэхийг хүсч байгаа бөгөөд энэ бүлэглэл нь манай хамтын ажиллагаанд тодорхойлогч хувь нэмэр оруулах юм.

Бүгдээрээ нийлж, Монгол Францын нөхөрлөлийг өргөжүүлэн, бэхжүүлэх ажлыг хэрэгжүүлэхийг та бүхэнд уриалж байна!

Филипп МЭРЛИН

Монгол улс дахь Францын Элчин сайд

publié le 11/10/2018

Дээшээ