Парис дахь энх тайвны 2 дахь удаагийн чуулга уулзалт: 2019 оны 11-р сарын 11-13

Анхны энх тайвны чуулга уулзалт Парис хотноо 2018 оны 11-р сард зохион байгуулагдаж байсан бол 2 дахь удаагийнх нь 2019 оны 11-р сарын 11-13 ны өдрүүдэд Grande Halle de La Villette –д зохион байгуулагдана.
Энх тайвныг сахин бэхжүүлэх үзэл санаа -консепцийг дөнгөж эхлүүлж байгаа болон хэрэгжүүлэх шатандаа байгаа дэлхий дахины янз бүрийн засаглалд ажиллагсад төсөл, санаачилгаараа оролцох бөгөөд шилэгдсэн санал санаачилгыг инкубаторт бойжуулах юм.

PNG


Энх тайвны чуулга уулзалтын зорилго

Парис дахь энх тайвны чуулга нь Францын Ерөнхийлөгч Эммануэл Макроны эрч хүчтэй санаачилгаар одоогийн нөхцөл байдалд олон ургалч санал санаачилга, хамтарсан үйл ажиллагааны ач холбогдлыг дахин батлах зорилгоор зохион байгуулагдаж байна. Хоёр дахь удаагийн чуулга уулзалтаар анхны уулзалтаар амжилт дагуулсан нэгэн ижил зорилго, арга зам, хүсэл эрмэлзэллээр зохион байгуулагдах юм.

  • Зорилго : Энх тайван байдлыг хангахад олон улсын хамтын ажиллагаа, нэгэн дэлхийн төлөө хамтарсан үйл ажиллагааг дэмжих;
  • Арга хэрэгсэл : Тодорхой, шинэлэг арга замыг танилцуулах, хэлэлцэх, ажил хэрэг болгох ;
  • Хүсэл эрмэлзэл : Шинэ хууль дүрэм, хэм хэмжээ, сайн арга ажиллагааг бэхжүүлэх, эргэн харах, шинээр санаачлах.

2019 оны шалгарсан төслүүд

Энэ удаагийн энх тайвны чуулга уулзалтын шалгаруулалтанд 115 орны улсын болон хувийн хэвшил, ТББ, олон улсын байгууллага, хөгжлийн агентлагууд, сангууд, шашны байгууллагууд, нийгэмлэг, их сургуулиуд зэрэг янз бүрийн байгууллагаас нийт 700 төсөл илгээсэн байна. Үүнээс 120 төсөл шалгаруулан чуулганы үеэр танилцуулагдан, хэлэлцэгдэх ба 10 төслийг хэрэгжүүлэх юм.

Парис хотын Энх тайвны чуулга уулзалтын талаар дэлгэрэнгүй мэдээлэл

Энэхүү чуулга уулзалт 2019 оны 11-р сарын 12-13 ны хооронд 2 өдрийн турш Парисын Grande Halle de La Villette –д зохион байгуулагдах болно.

JPEG - 74.9 ko
Grande halle de La Villette
Парис хотын Энх тайвны чуулга уулзалт нь 1901 оны хуулийн дагуу явагдана. Энх тайвны чуулга уулзалтыг Францын улс төрийн шинжлэх ухааны (Sciences Po) үндэсний сан , Корберын сан, Мо Ибрахимын сан, Францын олон улсын харилцааны хүрээлэн, Францын гадаад хэргийн яамыг төлөөлөн Франц улсын Монтань хүрээлэн зэрэг байгууллагууд зохион байгуулах юм.
Энэ удаагийн Чуулга уулзалтыг Ноён Паскал Лами ерөнхийлэн удирдах ба ноён Жюстин Вайсс ерөнхий захиралаар томилогдон ажиллаж байна.

нэмэлт мэдээлэл : https://parispeaceforum.org/fr/

publié le 06/11/2019

Дээшээ